Санаи 30 декабри соли равон бо ташабуси Агентии хизмати давлатии назди Президенти Ҷумҳурии Тоҷикистон омӯзиши идоравӣ дар мавзӯи «Муаррифии Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон…
Санаи 30 декабри соли равон бо ташабуси Агентии хизмати давлатии назди Президенти Ҷумҳурии Тоҷикистон омӯзиши идоравӣ дар мавзӯи «Муаррифии Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар бораи самтҳои асосии сиёсати дохилӣ ва хориҷии кишвар аз 16 декабри соли 2025» барои кормандони Агентӣ баргузор гардид.
Дар омӯзиши идоравии мазкур директори Агентӣ, Абдуллозода Ф.А. — муовини якуми директори Агентӣ, Ализода Б.П. – директори Пажӯҳишгоҳи идоракунии давлатӣ ва хизмати давлатии Академияи идоракунии давлатӣ, доктори илмҳои таърих, и.в профессор иштирок ва суханронӣ намуданд.
Дар Паёми Президенти Тоҷикистон ба Маҷлиси Олӣ чун ҳамеша тамоми самтҳои асосии фаъолияти мамлакат барои давраҳои оянда муайян гардида, оид ба пешбурди сиёсати хориҷӣ ва таъмини пешрафти соҳаҳои иқтисоду саноат, идоракунии давлатӣ, энергетика, роҳу нақлиёт, амнияту мудофиа, ҳифзи ҳуқуқу тартибот, тандурустӣ, фарҳанг, илму маориф, ҳифзи иҷтимоии аҳолӣ, ҷавонон, варзиш, сайёҳӣ ва ғайра вазифаҳои мушаххас гузошта шуданд.
Дар омӯзиши идоравӣ баромадкунандагон қайд намуданд, ки Асосгузори сулҳу ваҳдати миллӣ – Пешвои миллат Президенти Ҷумҳурии Тоҷикистон муҳтарам Эмомалӣ Раҳмон ба хизматчиёни давлатӣ боварии комил дорад ва дар ҳама соҳаҳо ба онҳо такя намуда, дар паёмҳои солонаи худ қайд менамояд, ки;
«Хизматчиёни давлатӣ қувваи пешбаранда ва таҳкими давлат ва давлатдорӣ мебошанд. Аз ин рӯ, онҳо бояд намунаи баландтарин аз ҷиҳати интизом, меҳнати содиқона ва бахшидашуда бошанд.»
Ҳамчунин масъалаи ҷалби ҷавонону занон ба хизмати давлатӣ яке аз нуктаҳои муҳими паёмҳои Пешвои миллат ба ҳисоб рафта, қайд менамоянд, ки: «Мо сиёсати давлатии кор бо ҷавононро ҳамчун самти калидӣ дар меҳвари сиёсати иҷтимоии давлат арзёбӣ намуда, барои самаранок амалӣ гардидани он аз тамоми имкониятҳо истифода карда истодаем.
Зеро ҷавонони мо неруи асосии пешбарандаи ҷомеа мебошанд ва мо бо ҳисси баланди миллӣ, худшиносиву худогоҳӣ ва ватандӯстиву ватанпарастии онҳо ифтихор мекунем».
Яке аз нуктаҳои асосии дигари паём масъалаи баланд бардоштани мақоми занону бонувон ва тарбия кардану ба вазифаҳои роҳбарикунанда таъин намудани бонувону духтарони лаёқатманд ба ҳисоб рафта, Президенти Ҷумҳурии Тоҷикистон вобаста ба он диққати махсус зоҳир намуданд.
Дар Паёми Президенти Тоҷикистон дигар масъалаҳо оид ба самтҳои фаъолият, ки бевосита ба ташаккули идоракунии давлатӣ ва хизмати давлатӣ, аз ҷумла 20 фоиз зиёд намудани музди меҳнати хизматчиёни давлатӣ, омода намудани кадрҳои баландихтисос дар хориҷи кишвар ва баланд бардоштани самаранокии фаъолият бо истифода аз технологияҳои муосири рақамӣ алоқаманд мебошанд, ироа гардид.